Mae Lluosi yn rhaglen newydd sy’n cael ei hariannu gan y llywodraeth i helpu oedolion ledled y Deyrnas Unedig i wella’u sgiliau mewn rhifedd.
Mae sgiliau da mewn rhifedd yn eich helpu:
- i agor cyfleoedd gwaith newydd neu i symud ymlaen yn eich gwaith
- i ennill cyflogau uwch
- i gymryd y cam nesaf tuag at lefelau uwch o hyfforddiant, er enghraifft, yn Lloegr, prentisiaeth neu gymhwyster lefel 3 (sy’n cyfateb i Lefel A).
Mae hwb i’ch gallu mewn rhifedd hefyd yn gallu helpu gyda thasgau bob dydd fel deall biliau a chyllidebu.
P’un a ydych chi am roi hwb i’ch sgiliau mewn rhifedd er mwyn symud ymlaen yn y gwaith neu i helpu gyda thasgau dyddiol, efallai mai Lluosi yw’r cam nesaf tuag at ddatgloi eich potensial.
Gwirio’ch lefel rhifedd:
Bydd ein cwis byr yn eich helpu i ddeall ble y gall fod angen ichi loywi’ch sgiliau rhif.
Mae yna chwe chwestiwn amlddewis. Bydd y cwis yn cymryd rhyw bum munud i’w gwblhau ac fe gewch chi ddefnyddio cyfrifiannell os ydych chi’n dymuno. Bydd y cwis hefyd yn helpu i esbonio sut i gyrraedd yr ateb cywir.
Cynnwys y rhaglen:
Bydd cannoedd o gyrsiau ar gael yn rhad ac am ddim. Bydd y rhain yn ymdrin ag ystod eang o sgiliau rhifedd, o gyrsiau i ddechreuwyr i gyrsiau uwch. Bydd ein cyrsiau rhifedd yn cynnwys:
- cyrsiau yn yr ystafell ddosbarth, gan gynnwys cyrsiau rhan-amser a chyrsiau gyda’r nos, i’ch helpu i ennill cymhwyster
- cyrsiau sydd wedi’u bwriadu i gynyddu hyder gyda rhifau fel y cam cyntaf tuag at gymhwyster
- rhaglenni sy’n cael eu cyflwyno ar y cyd â thiwtorialau ar-lein pan fydd cyflogwyr yn gofyn amdanyn nhw
- canllawiau a chymorth sy’n gosod mathemateg yn gyd-destun bob dydd dealladwy
Bydd llwyfan digidol Lluosi ar gael yn nes ymlaen eleni ar draws y Deyrnas Unedig, ac mae wedi’i fwriadu i fod yn hyblyg ac ar gael ar alw, er mwyn ichi ffitio’ch gwaith dysgu i gyd-fynd â’ch bywyd neu’ch ymrwymiadau eraill.
P’un a hoffech chi roi hwb i’ch sgiliau ar-lein ynteu yn bersonol, fe fydd yna rywbeth sy’n addas i chi.
Cost:
Am ddim – mae Lluosi yn cael ei ariannu’n llawn gan y llywodraeth.
Meini prawf cymhwystra:
Byddwch yn gymwys i ymuno â rhaglen Lluosi os ydych chi:
- yn 19 oed a throsodd
- yn byw yn y Deyrnas Unedig
- heb TGAU mewn mathemateg ar radd C (sy’n cyfateb i radd 4 neu TAG gradd 1), neu gymhwyster cyfatebol
Bydd cyrsiau ‘stafell ddosbarth a chyngor yn amrywio o un ardal i’r llall.
Sut i wneud cais:
Bydd Lluosi yn cael ei lansio eleni. Gallwch gofrestru i fod y cyntaf i wybod pan fydd Lluosi yn cael ei lansio.
Yn y cyfamser, mae yna sawl opsiwn ichi edrych arnyn nhw i helpu i wella’ch sgiliau mewn rhifedd.
Os ydych chi yn Lloegr, gallwch chwilio am gyrsiau rhifedd sydd ar gael nawr drwy gyfrwng Chwilio am Gwrs.
Sgiliau Hanfodol – Rhifedd:
Mae rhaglen Lluosi yn gynnig ychwanegol i oedolion i eistedd prawf sgiliau rhifedd hanfodol.
Bydd y cymwysterau hyn yn eich helpu i ennill y sgiliau mewn rhifedd sydd eu hangen arnoch ar gyfer gwaith ac maen nhw’n cael eu cydnabod gan gyflogwyr.
Rhagor o wybodaeth am gymwysterau mewn sgiliau rhifedd hanfodol.
